Workshop 001
AI pou biznis.An pratik.
Pote laptop ou ak yon travay nan biznis ou ki pran twòp tan. Pandan 3 èdtan, n ap sèvi ak AI pou travay sou li ansanm. An kreyòl, etap pa etap.
Indianapolis, IN 46219 · Dimanch 11 oktòb 2026
Pou ki moun?
Ou fè biznis la mache. Men lis travay la pa fini.
Ou reponn telefòn, prepare mesaj, fè swivi, epi toujou gen sèvis pou bay. Si ou tande pale de AI men ou pa konnen ki kote pou kòmanse, atelye sa a fèt pou ou.
- 1
Ou fè prèske tout bagay.
Ou bay sèvis la, reponn kliyan, fè swivi, epi jere biznis la. Ou ta renmen jwenn yon ti souf.
- 2
Menm travay yo retounen.
Mesaj, dokiman, piblikasyon. Ou vle wè si AI ka ede w fè travay sa yo pi fasil.
- 3
Ou pare pou eseye.
Ou pa bezwen konn pwograme. Vini ak kesyon ou yo ak volonte pou pratike.
Sa n ap fè ansanm
Pran yon travay reyèl. Fè yon premye esè ak AI.
Men kèk egzanp pou ede w chwazi. Ou pral pratike sou yon travay ki itil pou biznis ou, ak èd pandan w ap avanse.
- 01
Reponn yon kliyan
Prepare yon repons ki klè, ak ton pa ou, san envante pri oswa disponiblite.
- 02
Prepare yon mesaj swivi
Repran kontak ak yon kliyan ki te mande enfòmasyon, san mete presyon sou li.
- 03
Ekri yon piblikasyon
Sèvi ak detay reyèl sou sèvis ou pou prepare yon pòs ou ka korije epi pataje.
- 04
Mete sèvis ou yo an lòd
Transfòme nòt ou yo an yon deskripsyon senp kliyan ka konprann.
- 05
Gade yon sit ki fèt ak AI
M ap montre egzanp nan defi mwen an, soti nan konvèsasyon rive nan yon sit anliy.
- 06
Sove yon metòd ki itil
Kenbe kontèks ak enstriksyon ou yo pou w ka reprann menm travay la demen.
Gade yon ti egzanp
Soti nan yon mesaj rive nan yon repons ou ka voye.
Yon mesaj ou resevwa souvan
Ou bay direksyon an. AI ede w fè travay la.
Egzanp fiktif · yon biznis netwayaj
Sa ou ka pote avè w
Yon premye rezilta. Yon metòd pou reprann li.
- Yon bouyon ou prepare epi revize pou yon travay nan biznis ou.
- Enstriksyon ou ka konsève, adapte, epi itilize ankò.
- Pi bon abitid pou verifye sa AI ekri anvan ou sèvi avè l.
- Yon fich pratik ak yon rezime apre atelye a.
Pwogram nan
3 èdtan. Tan pou pratike.
00–20 minit
Nou prepare teren an
Nou fè konesans, verifye kont ak zouti yo, epi chwazi yon travay reyèl pou chak moun.
20–50 minit
Gade pwosesis la depi nan kòmansman
Pitrens montre kijan li bay AI kontèks, poze kesyon, epi verifye rezilta yo ak yon egzanp nan defi li a.
50–80 minit
Premye egzèsis la, ansanm
Nou avanse etap pa etap sou menm egzanp lan. Ou eseye, poze kesyon, epi ajiste enstriksyon ou yo.
80–90 minit
Yon ti poz
Dis minit pou pran yon souf anvan nou antre nan travay pa ou.
90–145 minit
Travay sou biznis pa ou
Ou gen 55 minit pou prepare yon rezilta ki itil pou ou, ak èd pandan w ap travay.
145–165 minit
Verifye. Korije. Amelyore.
Nou revize kèk egzanp, chèche sa ki manke, epi amelyore rezilta yo ansanm.
165–180 minit
Sove metòd ou. Prepare swit la.
Ou konsève enstriksyon ou yo, poze dènye kesyon yo, epi chwazi sa w ap teste semèn nan.
Animatè atelye a
Se mwen, Pitrens.
Ernst Pierre · Fondatè Ventra
Nan kominote a, ou konnen m kòm Pitrens. Avèk ajans mwen an, Ventra, mwen bati sit entènèt ak solisyon AI pou biznis sèvis.
Nan atelye a, m ap montre etap mwen yo, epi m ap akonpaye w pandan ou eseye pa ou. N ap aprann nan sa nou fè.
Sa pou pote
Laptop ou. Biznis ou. Yon travay pou teste.
- Yon laptop ak chajè li, si ou genyen
- Aksè ak kont AI ou
- Yon egzanp mesaj, sèvis, oswa travay ou fè souvan
- Kesyon ou yo ak volonte pou eseye
Detay atelye a
Enskripsyon.
- Dat
- Dimanch 11 oktòb 2026
- Lè
- 4:00 PM–7:00 PM · lè Indianapolis
- Kote
- 6767 E Washington StIndianapolis, IN 46219
- Pri
- $50 USD pa moun
- Gwoup
- Jiska 10 patisipan
- Fòma
- An pèsòn · An kreyòl · Pou débutan · Pote laptop ou
Ou gen kesyon anvan ou enskri?
Enskripsyon yo fèmen pou atelye sa a.
Kèk repons anvan ou vini
Ou gen kesyon?
Mwen poko janm itilize AI. Èske m ka vini?+
Wi. Nou kòmanse ak yon egzanp senp epi nou avanse ansanm. Pa bezwen konn pwograme. N ap voye enstriksyon pou prepare kont ou anvan sesyon an.
Nan ki lang atelye a ap fèt?+
Atelye a fèt sitou an kreyòl ayisyen. Li ouvè pou moun ki alèz suiv sesyon an nan lang sa a. Ou ka travay sou mesaj kliyan ou yo an kreyòl oswa an anglè.
Èske m ap soti ak yon sit entènèt konplè?+
N ap gade yon egzanp sit ki fèt ak AI. Pratik nan sesyon sa a konsantre sou yon travay ou chwazi pou biznis ou; bati yon sit konplè pa fè pati pwogram twa èdtan an.
Èske gen zouti pou m peye apa?+
Pri $50 la se pou atelye a. N ap presize zouti ak kont ou bezwen yo, ansanm ak nenpòt depans apa, anvan atelye a. Ou ka rele Pitrens si ou gen kesyon anvan ou enskri.
Si mwen pa ka vini ankò?+
Pou konnen kondisyon anilasyon ak ranbousman yo, rele oswa voye yon mesaj bay Pitrens nan (317) 496-6871 anvan ou peye.
Lòt workshop yo